АЛЕКСЕЙ СИНИЦЫН. Поэт из Петербурга.
 

 

Алексей Николаевич Синицын родился в 1961 году, живёт и работает в Петербурге. По профессии он железнодорожник, но недавно получил юридическое образование. Синицын - один из основателей Центра цыганской культуры им. В.Н.Череповского. Стихи пишет на русском языке и русско-цыганском диалекте. Мы рады возможности показать вам две бытовые зарисовки, прекрасно отражающие национальную ментальность. Одно стихотворение посвящено первому дню цыганского мальчишки в школе. Другое описывает застольный диалог двух друзей - причём разговор вертится вокруг коммерческой сделки. Поэзию А.Синицына отличает правда характеров, откровенность и хорошее чувство юмора.

 

ШКОЛА


Прогэя лынай, сарэ дрэ школа джяна
И ман дрэ перво классо отдынэ.
Мэ на камам тэ джяв, зорьяса ман лыджяна.
Со манца тэ кэрэн камэн тумэ?
Са екх профессороса на камам мэ тэ явав,
Саво мэ сомас дасаво явава.
Барэ ловэ гара джином мэ тэ гинав
И би школакиро ромня мэ пэскэ лава
Карик тэ джяв? Мэ никонэс дой на джинав,
Сарэн мэ перво моло удыкхава.
Гаденгэ лава цветы тэ лыджав
Сапэс дрэ пэрфэдыр мэ лэн бикнава.
Мэ на камьём тэ джяв, пал со жэ мэ гэём?
Джиндём со начиньдяс мангэ тэ джяв.
Пал екх дывэс трин фэнчтры розмардём
И раклорэс камьём чюрьяса тэ чинав.
А дадывэс директоро кэ пэ кхардя дадэс,
Пхэндя соб ман чюпняса тэ марэл.
Чёрав марды, карье мэ давас лэс,
Мэк да вихро пэскэ тэ мэрэл.
Мэ дрэ классо по уроко багадём гиля,
По раклэндэ сыр по грэндэ ездиндём.
Ман опять гади яври витрадыя
И кэ рат дрэ вэнгло мэ протэрдиём.
На джява мэ бутыр, тумэн мангава:
Фэдыр дрэ школа ман тэ на мэкэн.
А на патяна, мэ тумэнгэ солакхава,
Со на камэн дрэ школа романэ чявэн.

1999

Цыганские дети на школьном дворе. 1980-е годы. Фото из архива Е.Друца.

 

БАРЫШИ


- Росчюв по набутка, и пал ромэндэ пьяса!
Тэ дживэн ёнэ семьенца бахталэ!
Может, гилори туса сбагаса?
- Со ту, пшал, ямэ ж на сам ещё матэ!
На камэс ту мандыр тэ кинэс кхурэс,
Мэ же тутыр бут на замангава.
Пал зэлэна мэ отдава лэс.
- Морэ, мэ ж дрэ баксы на полава!
- Чюв по биштупанч и пёрёпьяса,
Тэ явэл сарэнгэ бахт и састыпэ!
Давай, морэ, кофыцо кэраса,
Хохаваса екх екхэс, пока на сам матэ.
Нэ со, лэса тэ кинэс миро товаро?
- А со-то бут ту мандыр замангдян,
Мэ ведь трэ кхурэс на бишарава!
- А бут пал лэстэ ту тэ дэс камьян?.
- Дэ рассказо мэ тимин пхэнава.
- Явэн дрэ трэмо и дыкхэса кукоро.
А камэс, чявэскэ мэ пхэнава
И дрэ кхэр явэла мро кхуро.
- Карик дрэ кхэр, ту со мангэ кэрэса?
Ямэндэ же дрэ кхэр исы дэвла!
- Ах, Рупочка, ту соскэ на кандэса,
Быстро тэ яеэс, тэ дав трэ да.
- Тася ту покошэсапэ ромняса,
А дадывэс ту на кэр дылнэыпэ.
- Дыкхава, со ничи на докэраса.
- Давай пропьяса, пшал, пал састыпэ
Так, значит, морэ, мандыр на кинэса?
- Нанэ, кай мангэ грэс тэ рикирав?
Мэ загэем тэ галював, сыр ту дживэса,
Камьём мэ, друго, туса тэ випьяв.

1999